اسلام آباد (این این آئی)یونیورسٹی آف گوادر نے چین پاکستان اقتصادی راہداری (سی پیک) اسٹڈی سینٹر اور سینٹر فار میرین افیئرز اور میرین سائنسز کیلئے ایک مرکز قائم کرنے کا فیصلہ کیا۔گوادر پرو کے مطابق اس سلسلے میں یونیورسٹی آف گوادر کی تیسری سنڈیکیٹ کا اجلاس ہائر ایجوکیشن کمیشن کے علاقائی مرکز کوئٹہ میں وائس چانسلر پروفیسر ڈاکٹر عبدالرزاق صابر کی صدارت میں ہوا۔گوادر پرو کے مطابق میٹنگ کے بعد جاری ہونے والے ایک سرکاری بیان میں کہا گیا ہے کہ “چند نئے تدریسی محکموں کے علاوہ سنڈیکیٹ نے ایک سی پیک اسٹڈی سینٹر اور میرین افیئرز اینڈ میرین سائنسز کے لیے ایک مرکز قائم کرنے کا فیصلہ کیا۔گوادر پرو کے مطابق اجلاس میں یو جی کے پرو وائس چانسلر پروفیسر ڈاکٹر سید منظور احمد، سیکرٹری کالجز اینڈ ہائر اینڈ ٹیکنیکل ایجوکیشن بلوچستان حافظ عبدالمجید بوہیر، رجسٹرار دولت خان، ڈائریکٹر فنانس شفیع محمد، قائم مقام ڈین فیکلٹی آف مینجمنٹ سائنسز سمیت سنڈیکیٹ ممبران نے شرکت کی۔ کامرس اینڈ سوشل سائنسز کے پروفیسر ڈاکٹر جان محمد اور قائم مقام کنٹرولر امتحانات ڈاکٹر قمبر فاروق بھی شریک تھے۔گوادر پرو کے مطابق یو جی کے رجسٹرار نے اجلاس کا ایجنڈا غور و خوض اور فیصلوں کے لیے ایوان کے سامنے پیش کیا۔گوادر پرو کے مطابق فورم نے ہر ایجنڈے پر تفصیلی تبادلہ خیال کیا اور اہم امور پر فیصلہ کیا جیسے کہ نئے پروگرام شروع کرنے اور کنٹریکٹ ملازمین کو ریگولرائز کرنے کی منظوری دینا جنہوں نے بھرتی کے تمام طریقہ کار کو پورا کیا اور اپنی پروبیشن مدت پوری کر لی۔گوادر پرو کے مطابق ممبران نے یونیورسٹی کے تعلیمی، انتظامی اور مالیات سے متعلق تمام فوری مسائل پر غور کیا اور ان کو حل کیا۔گوادر پرو کے مطابق ایوان نے سنڈیکیٹ کے پہلے اجلاس کے منٹس، اکیڈمک کونسل کے تیسرے اجلاس، مالی سال24ـ2023 کے بجٹ تخمینے کے لیے فنانس اینڈ پلاننگ کمیٹی کے تیسرے اجلاس اور سال2023 کے لیے یونیورسٹی کی سالانہ رپورٹ کی تصدیق کی۔
