اسلام آباد (این این آئی)وزیر اعظم محمد شہباز شریف سے سابق رکنِ صوبائی اسمبلی پنجاب خواجہ عمران نذیر کی سربراہی میں 4 رکنی وفد نے ملاقات کی جس میں موجودہ سیاسی صورتحال پر تفصیلی گفتگو کی گئی ۔ وفد نے پنجاب کے نوجوانوں کو لیپ ٹاپ سکیم کے ذریعے حصولِ علم اور روزگار کے مواقع فراہم کرنے پر وزیراعظم کو خراج تحسین پیش کیا ۔وفد نے بجٹ 2023ـ24 میں ملک بلخصوص پنجاب کے کسانوں اور نوجوانوں کے لیے مختلف ترقیاتی منصوبوں کی منظوری پر وزیراعظم کا شکریہ ادا کیا۔
