لاہور( این این آئی) سابق وزیر داخلہ شیخ رشید احمد نے کہا ہے کہ مہنگائی کا تناسب 30فیصد پر جا پہنچا ہے اور نیپرا نے بجلی 5 روپے فی یونٹ اضافے کی سمری بھیج کر مہنگائی کی ماری عوام کو مزید خوفزدہ کر دیا ہے، 1 ارب ڈالر کی پہلی قسط تو مفتاع اسماعیل بھی لے آیا تھا ،اسحاق ڈار کے پاس کئی پلان تھے لیکن بالآخر انہیں اور وزیراعظم کو آئی ایم ایف کے آگے ایک سال ضائع کرنے اور گھٹنے ٹیکنے کے علاوہ کوئی پلان نہیں ملا ۔ ٹوئٹر پر جاری اپنے بیان میں انہوں نے کہا کہ بیمار معیشت اور بدحال عوام کی حالت قابل رحم ہے ،ڈالر ،بجلی ،گیس ،آٹا مزید مہنگا ہوگا ،پاکستان دیوالیہ سے بچا ہے لیکن دیوالیہ کی تلوار لٹک رہی ہے،4ارب ڈالر ایک ماہ کی پاکستان کی امپورٹ کی ضرورت ہے ،اس وقت گروتھ صفر ہے ،ایکسپورٹ بڑھ نہیں رہی ترسیلات آ نہیں رہی ،ادائیگیاں پاکستان کے زرمبادلہ کے ذخائر سے 6 گنا زیادہ ہیں ۔ انہوں نے کہا کہ جس کو دبئی کی اہم سیاسی میٹنگ میں شامل نہیں کیا گیا وہ مولانا فضل الرحمان بھی صدر کے امیداوار ہیں اور نگران حکومت میں زیادہ حصہ مانگ رہے ہیں ۔بلاول نے امریکہ میں لمبی تان لی ہے ،زرداری کی خاموشی معنی خیز ہے ،نواز شریف عبادت میں مصروف ہیں اور غریب جائے بھاڑ میں ،انہیں اقتدار کی بندر بانٹ سے فرصت نہیں ،عوام کو قومی معاملات میں شریک نہیں کیا جائے گاتو سیاسی معاشی اور اقتصادی بحران بڑھتا چلا جائے گا۔ انہوںنے کہ اکہ نگران حکومت کے آنے پر اندازہ ہو جائے گا کہ الیکشن کب ہونے ہیں اور کس معیار کے ہونے ہیں ،اگر پی ڈی ایم نے نگران حکومت کے عہدوں کی بندر بانٹ میں چالاکی دکھائی تو الیکشن وقت سے پہلے ہی متنازعہ ہو جائیں گے۔ عوام اب بے شعور نہیں باشعور ہو چکی ہے اور سب کچھ سمجھتی ہے ،اگر نگران حکومت نے اپنوں میں بانٹا اور غریب کو ڈانٹا تو مسائل مزید سنگین اور گھمبیر ہو جائیں گے۔
مقبول خبریں
سپریم کورٹ سے عمران خان کی تصویر وائرل ہونے کی تحقیقات کا آغاز
اسلام آبا د(این این آئی)قومی احتساب بیورو (نیب) قانون میں ترامیم سے متعلق کیس کی سماعت کے دوران پاکستان تحریک انصاف کے بانی...
فیصل بینک نے ملتان میں اپنے ریجنل آفس اور فلیگ شپ برانچ کا افتتاح...
ملتان(این این آئی)پاکستان کے تیزی سے ترقی کرتے ہوئے اسلامی بینک، فیصل بینک لمیٹڈ نے ملتان میں اپنے ریجنل ہیڈ کوارٹر کا افتتاح کردیا...
نیب ترامیم کیس ،آرڈیننس لانے ہیں تو پھر پارلیمان کو بند کر دیں،سپریم کورٹ
اسلام آباد (این این آئی)سپریم کورٹ نے قومی احتساب بیورو (نیب) ترامیم کے خلاف درخواستوں پر سماعت کے دوران چیف جسٹس قاضی فائز عیسیٰ...
آزاد کشمیر میں احتجاجی تحریک کے دوران شر پسند عناصر کی طرف سے صورتحال...
مظفر آباد (این این آئی)وزیراعظم محمد شہبازشریف نے کہا ہے کہ آزاد کشمیر میں احتجاجی تحریک کے دوران شر پسند عناصر کی طرف سے...
وزیر تجارت کی زیرصدارت اجلاس ،پاکستان کی برآمدی اور کاروباری شعبوں میں اہم مسائل...
اسلام آباد(این این آئی)وفاقی وزیر تجارت جام کمال خان نے پاکستان کی برآمدی اور کاروباری شعبوں میں اہم مسائل کے حل کے لیے ایک...