اسلام آباد (این این آئی)وفاقی وزیر سائنس اینڈ ٹیکنالوجی فواد چوہدری نے کہاہے کہ پی ڈی ایم کے جلسوں سے ترقی نہیں ہوگی ، ترقی کرنا ہے تو انحصار ٹیکنالوجی سائنس اور عقل پر ہونا چاہیے ،عدالتوں اور جیلوں کیلئے نیا سسٹم تیار کرنے جارہے ہیں جہاں روزانہ ججوں اور قیدیوں کو سفر کی مشکل سے نکالا جائے،ڈاکٹر ڈرائیور ٹیچرز اور مکینکس کی نوکریاں جلد ختم ہوجائیں گی ان کی جگہ جلد ٹیکنالوجی لے لے گی،اگلے 15 سے 20 سالوں میں گاڑیاں الیکٹرک پر شفٹ ہوجائیں گی ۔ جمعرات کو وفاقی وزیر نے چائنیز موبائل کمپنی کی تقریب سے خطاب کرتے ہوئے کہا کہ ہماری خواہش ہے ہواوے چائنہ کے بعد پاکستان میں اپنا مرکز قائم کرے ۔ انہوںنے کہاکہ سائنس کی کوئی حد نہیں ہے جبکہ ٹیکنالوجی سائنس کو ہمارے سامنے لے کر آتی ہے۔ انہوںنے کہاکہ پاکستان پی ڈی ایم کے جلسوں سے ترقی نہیں کرے گا،اگر ہم نے ترقی کرنی ہے تو ہمارا انحصار ٹیکنالوجی سائنس اور عقل پر ہونا چائیے۔ انہوںنے کہاکہ مجھے خوشی ہے کہ میری وزارت پہلی وزارت ہوگی جسے ہواوے کی نئی پروڈکٹ آئیڈیا ہب ملے گی
