اسلام آباد (این این آئی)پاکستان نے بھارتی وزیر دفاع کے اشتعال انگیز بیان کی مذمت کی ہے۔گزشتہ روز ترجمان دفتر خارجہ نے کہاکہ بھارتی وزیر دفاع کے دراس لداخ میں ایل او سی عبور کرنے کی تیاری کے بیان کی مذمت کرتے ہیں۔ترجمان نے کہا کہ ہم بھارت کو خبردار کرتے ہیں اس کی جنگجویانہ بیان بازی خطے کے امن و سلامتی کیلئے خطرہ ہے۔ انہوں کہا کہ پاکستان کسی بھی جارحیت کے خلاف اپنے دفاع کی مکمل صلاحیت رکھتا ہے۔
