اسلام آباد (این این آئی)مسلم لیگ (ن) کے رہنما عرفان صدیقی نے کہا ہیکہ اگست کے آخر تک نواز شریف پاکستان آکر انتخابی مہم کی قیادت کریں گے۔ایک بیان میں عرفان صدیقی نے کہا کہ پی ٹی آئی کے چیئرمین اپنی سیاست کے ہاتھوں دفن ہو چکے۔انہوں نے کہا کہ سفیرپاکستان کی رہائش گاہ پر ڈنر کابائیکاٹ نہیں کیا بلکہ دعوت نامہ ہی نہیں ملا، ہمارے اعزاز میں ڈنرکا دعوت نامہ نہ ملنے پر ڈنر میں شرکت نہ کرنیکا فیصلہ متفقہ تھا۔عرفان صدیقی نے کہا کہ اقوام متحدہ کے اجلاس میں شرکت سے مسائل اور مجوزہ حل کی آگاہی ہوئی۔
