اسلام آباد (این این آئی)پاکستان مسلم لیگ (ن) کے سینیٹر عرفان صدیقی نے طلال چوہدری کی نااہلی کی پانچ سال کی سزا ختم ہونے پر مبارک دیتے ہوئے کہاہے کہ طلال چوہدری کی سزا ختم ہوگئی لیکن سزا دینے والوں کی سزا کبھی ختم نہیں ہوگی ۔ اپنے بیان میں انہوںنے کہاکہ طلال چوہدری نوازشریف کا ساتھ دینے اور اپنے قائد کی آواز بننے پر گردن زدنی ٹھہرے تھے ۔ انہوںنے کہاکہ سیاسی انتقام کی بنیاد پر دی جانے والی سزائیں سیاسی کارکنوں کو تاریخ میں ہمیشہ معتبر، سرخرو اور سربلند کردیتی ہیں ۔ انہوںنے کہاکہ طلال چوہدری جرات کے ساتھ میدان میں کھڑے رہے، آج اْن کی فتح کا دِن ہے۔
