اسلام آباد (این این آئی) وفاقی حکومت کی ا پیل پر کورونا وائرس سے نجات کیلئے جمعہ المبارک ملک بھر میں یوم دعا کے طور پر منایا گیا۔پیر نورالحق قادری نے پارلیمنٹ ہاؤس کی مسجد میں نماز جمعہ ادا کی ،پارلیمنٹ ہاؤس کی مسجد میں خطبہ خطیب مولانا احمد الرحمان نے دیا ،وفاقی وزیر نے پارلیمنٹ ہاؤس کی مسجد میں نماز جمعہ کی امامت اور دعا کروائی،نماز جمعہ کے بعد ملکی استحکام اور موذی وبا سے نجات کے لیے خصوصی دعا کروائی گئی۔وفاقی وزیر مذہبی امور پیر نور الحق کی جانب سے علمائے کرام سے خصوصی دعاؤں کی اپیل کی گئی تھی۔پیر نور الحق قادری نے کہاکہ قوم وبا سے نجات کے لیے جسمانی و روحانی احتیاط اختیار کرے۔وفاقی وزیر نے کہاکہ مصیبت کی گھڑی میں اللہ تعالیٰ سے رجوع کیا جائے،اللہ تعالیٰ پاکستان کو اندرونی و بیرونی دشمنوں و خطرات سے محفوظ رکھے،پارلیمنٹ ہاؤس کے خطیب نے وفاقی وزیر سے جماعت کی امامت کی درخواست کی تھی۔
