اسلام آباد (این این آئی)چیئرمین پاکستان تحریک انصاف کی گرفتاری پر ردعمل دیتے ہوئے ارب پتی تاجر عمر فاروق ظہور نے کہا ہے کہ الحمدللہ میں درست ثابت ہو گیا۔ایک بیان میں عمرفاروق ظہور نے کہا کہ چیئرمین پی ٹی آئی کرپشن کے مرتکب قرار پائے۔انہوں نے کہا کہ عدالت نے میرا مؤقف درست تسلیم کر لیا کہ چیئرمین پی ٹی آئی نے 20 لاکھ ڈالرز میں مجھے گھڑی فروخت کی۔عمر فاروق ظہور نے کہا کہ عدالت نے میرا مؤقف درست تسلیم کر لیا کہ گھڑی فرح گوگی کے ذریعے دبئی میں بیچی گئی۔انہوںنے کہاکہ عدالت اور شواہد سے میرے مؤقف کی تصدیق ہوئی۔واضح رہے کہ توشہ خانہ کیس میں اسلام آباد کی سیشن عدالت کی جانب سے 3 سال قید کی سزا سنائے جانے کے بعد پاکستان تحریک انصاف کے چیئرمین کو لاہور سے گرفتار کر لیا گیا ۔فیملی ذرائع کے مطابق پولیس نے چیئرمین پی ٹی آئی کو لاہور سیان کی رہائش گاہ زمان پارک سے گرفتار کیا۔
