نواز شریف سے ہاکی ٹیم کے سابق کپتان اختر رسول کی ملاقات، اہم امور پر گفتگو

0
0

لندن(این این آئی)پاکستان ہاکی ٹیم کے سابق کپتان اختر رسول چوہدری نے لندن میں مسلم لیگ (ن) کے قائد اور سابق وزیراعظم نواز شریف سے ملاقات کی جس میں سیاست اور ہاکی سے متعلقہ امور پر تبادلہ خیال کیا گیا۔اس موقع پر پاکستان ہاکی کو بہتری کی جانب گامزن کرنے کیلیے تجاویز پر بھی بات کی گئی۔اختر رسول چوہدری نے تجویز دی کہ آئین اور قانون کے مطابق ہی صاف و شفاف انتخابات سے ہاکی کی بہتری ممکن ہے۔سابق وزیراعظم نے ہاکی ٹیم کے سابق کپتان کو قومی کھیل کے حوالے سے مکمل تعاون کی یقین دہانی کرائی۔اختر رسول نے کہا کہ پاکستان ہاکی فیڈریشن (پی ایچ ایف) کے ڈی نوٹیفائی عہدیداروں کو فارغ کرکے پاکستان ہاکی کیلئے بہتری ممکن ہے۔