کمشنر اور راولپنڈی جمخانہ کلب کے چیئر مین لیاقت علی چٹھہ نے جمخانہ کلب کے گراس کورٹ کا افتتاح کر دیا

0
621

راولپنڈی (این این آئی)کمشنر راولپنڈی اور راولپنڈی جمخانہ کلب کے چیئر مین لیاقت علی چٹھہ نے جمخانہ کلب کے گراس کورٹ کا افتتاح کر دیا جس کے بعد راولپنڈی جمخانہ کلب کے ممبران کیلئے سوئمنگ ، سکواش ، بیڈ منٹن ، کرکٹ ، سنوکراور جدید ترین مشینوں سے آراستہ جم کے بعد ٹینس کھیلنے کی سہولت بھی میسر ہوگی۔ اس موقع پر فیصل آباد جمخانہ، سرگودھا جمخانہ اور لاہور جمخانہ سے آئے ہوئے کھلاڑیوں اور را ولپنڈی جمخانہ کے ممبران کے مابین ایک نمائشی میچ بھی کھیلا گیا ان میں چوہدری شکیل احمد ، چوہدری اسد اللہ وڑائچ ، سرگودھاسے محمد قاسم ، کامران شاہ ، میر حیدر ، میاں نعیم شامل تھے ۔ راولپنڈی ٹیم کی نمائندگی کمشنر پنڈی لیاقت علی چٹھہ اور لاہور جمخانہ کے ملک عابد محمود نے کی ۔ ریفری کے فرائض کوچ اورنگزیب نے سرانجام دیئے ۔ٹینس کورٹ کی افتتاحی تقریب میں ایڈیشنل کمشنر (ریونیو )ماجد علی ، جنرل منیجر راولپنڈی جمخانہ کلب انجینئر لعل خان ، سیکرٹری چوہدر ی ندیم رئوف ، راولپنڈی چیمبر اینڈ کامرس کے سابق صدر سہیل الطاف ، گور ننگ بورڈ کے ممبرز راجہ فیصل عزیز بھٹی ،سید رضوان حیدر مشہدی سمیت ممبران کی بڑی تعداد موجودتھی ۔ کمشنر راولپنڈی لیاقت علی چٹھہ نے بتایاکہ راولپنڈی جمخانہ میں چھ گراس کورٹس اور ایک کلے کورٹ بنانے کا ارادہ ہے ،یہ کورٹس ایڈیشنل کمشنر ریونیو ماجد علی اور ٹینس کے ماہرین اورنگزیب خان کی زیر نگرانی آئندہ چند ہفتوں میں تیار ہو جائینگے