اشتعال انگیز تقاریر ، کورونا ایس او پیز ، خلاف ورزی پر لیگی رہنمائوں کیخلاف مقدمہ درج

0
181

لاہور(این این آئی)حکومت کے خلاف اشتعال انگیز تقاریر ، کورونا ایس او پیز اور لائوڈ سپیکر ایکٹ کی خلاف ورزی کرنے پر سینئر لیگی رہنمائوں سعدرفیق ، ایاز صادق ، عطا اللہ تارڑ ، میاں جاوید لطیف اوررانامشہودسمیت 18نامزداور400سے 500 نامعلوم افراد کیخلاف تھانہ شیرا کوٹ میں مقدمہ درج کر لیا گیا۔ اے ایس آئی منصف علی کی جانب سے درج کرائے گئے مقدمے کے متن میں کہا گیا ہے کہ مذکورہ افراد حکومت کیخلاف لائوڈ سپیکر پر تقاریر کرتے رہے اورعوام الناس کوحکومت کے خلاف اشتعا ل دلاتے رہے کہ 13دسمبر کے جلسے میں شامل ہو کر حکومت کاتختہ الٹ دو ۔ مقدمہ انسداد کرونا ایکٹ،ایمپلی فائر ایکٹ سمیت دیگر دفعات کے تحت درج کیا گیا ہے ۔