لاہور( این این آئی) خوبرو اداکارہ سجل علی نے اپنے برادر نسبتی علی انصاری کو ان کی سالگرہ پر گاتے ہوئے مبارکباد پیش کی ہے۔اداکارہ کی ایک پوسٹ سوشل میڈیا پر وائرل ہورہی ہے جس میں انہوں نے اپنی چھوٹی بہن صبور علی کے شوہر کو سالگرہ پر مباکباد دینے کے لیے منفرف انداز اپنایا ۔ ویڈیو میں وہ گانا گاتے ہوئے نظر آرہی ہیں جب کہ ساتھ میں علی انصاری بھی موجود ہیں۔ویڈیو میں دیکھا جاسکتا ہے کہ اداکار علی انصاری اور سجل ایک ساتھ گانا گانے کی کوشش کررہے ہیں جب کہ ایک مرحلے پر سجل علی اپنے بہنوئی سے مائیک بھی چھین لیتی ہیں۔اداکارہ نے اپنی پوسٹ میں لکھا کہ سالگرہ مبارک ہو بھائی، ہمارے لیے بہتر ہوگا کہ ہم نئی تصاویر کھینچ لیں، میری دعا ہے کہ زندگی میں آپ کو صرف بہترین چیزیں ملیں۔ انہوںنے اپنی پوسٹ میں مداحوں سے یہ بھی پوچھا کہ کیا آپ لوگ اندازہ لگا سکتے ہیں کہ کون سا گانا گایا جارہا ہے۔
