واشنگٹن(این این آئی)امریکی صدر جو بائیڈن نے کہا ہے کہ ان کے ملک نے امداد اور بحالی کا کام کرنے والی انجمنوں، لیبن حکام اور اقوام متحدہ کی انجمنوں کو فنڈر فراہم کرنے کا فیصلہ کیا ہے تاکہ خانہ جنگی اور سیاسی تقسیم کے شکار ملک لیبیا میں اب بڑے پیمانے پر آنے والے سیلاب کی وجہ سے شدید تباہی کے اثرات میں کمی لائی جا سکے۔غیرملکی خبررساں ادارے کے مطابق مقامی حکام نے بتایاکہ شدید بارش کے بعد متعدد ڈیمز ٹونٹے کے باعث لیبیا کا مشرقی بندر گاہی شہر درنہ کا 25 فی صد حصہ پانی میں ڈوب چکا ہے اور یہاں ہونے والی ہلاکتوں کی تعداد دو ہزار سے تجاوز کر گئی ۔انٹرنیشنل فیڈریشن آف ریڈ کراس اور ہلالِ احمر کے لیے لیبیا کے نمائندے تمر رمضان کے مطابق غیر معمولی سیلاب کے باعث لیبیا میں کم از کم دس ہزار سے زائد افراد لاپتا ہیں۔
