سندھ طاس معاہدہ ، پاکستان اور بھارت رواں ماہ غیر جانبدار ماہر کے سامنے پیش ہونگے

0
127

لاہور ( این این آئی) پاکستان اور بھارت رواں ماہ سندھ طاس معاہدے کے مطابق غیرجانبدار ماہر کے سامنے پیش ہوں گے۔ذرائع کے مطابق بھارت کی جانب سے پاکستانی دریائوں پر ڈیموں کی تعمیر کا معاملہ 20اور 21ستمبر کو طے شدہ میٹنگ میں ویانا میں غیرجانبدار ماہر کے ایک رکنی فورم میں سنا جائے گا۔غیر جانبدار ماہر کے سامنے ہونے والی یہ دوسری میٹنگ ہے جبکہ پہلی میٹنگ اسی سال فروری میں ہوئی تھی۔ذرائع کا کہنا ہے کہ دونوں فریقین متنازع منصوبوں پر اپنا موقف پیش کریں گے۔ پاکستان نے 330میگا واٹ کے کشن گنگا اور 850میگا واٹ ریتلے پن بجلی منصوبوں پر اعتراضات اٹھا رکھے ہیں، بھارت دونوں پروجیکٹس جہلم اور چناب دریاں پر تعمیر کر رہا ہے۔پاکستان کی نمائندگی وفاقی وزیر برائے قانون و آبی وسائل اور اٹارنی جنرل کریں گے، وفاقی سیکرٹری برائے آبی وسائل اور انڈس واٹر کمشنر بھی پاکستان کی نمائندگی کریں گے۔اس کے علاوہ دفتر خارجہ کے حکام، بین الاقوامی وکلا اور انجینئرز کی ٹیم بھی پاکستانی وفد میں شامل ہوگی۔