شام کے مسئلے کے سیاسی حل کی مساعی جاری رکھیں گے، سعودی عرب

0
252

نیویارک(این این آئی) سعودی عرب کے وزیر خارجہ شہزادہ فیصل بن فرحان بن عبداللہ نے اقوام متحدہ کے سیکرٹری جنرل کے خصوصی ایلچی برائے شام گیئر پیڈرسن سے نیویارک میں اقوام متحدہ میں مملکت کے مستقل مندوب کے ہیڈ کوارٹر میں ملاقات کی۔غیرملکی خبررساں ادارے کے مطابق ملاقات کے دوران انہوں نے شام کے بحران کے سیاسی حل میں پیش رفت اور جدہ میں ہونے والے عرب سربراہی اجلاس کے نتائج سمیت اس سلسلے میں مملکت اور اقوام متحدہ کی کوششوں پر تبادلہ خیال کیا۔ملاقات کے دوران وزیر خارجہ نے زور دے کر کہا کہ مملکت شام کے بحران کے سیاسی حل تک پہنچنے کے لیے ہر ممکن کوششیں جاری رکھنے کی خواہش رکھتی ہے۔ ان کا کہنا تھا کہ ہم شام کی وحدت، سالمیت، سلامتی، استحکام اور عرب وابستگی کو برقرار رکھنے کے خواہاں ہیں۔اس موقعے پرنیویارک میں اقوام متحدہ میں مملکت کے مستقل نمائندے ڈاکٹر عبدالعزیز الواصل اور وزارت خارجہ کے دفتر کے ڈائریکٹر جنرل عبدالرحمن الداد بھی موجود تھے۔