اسلام آباد (این این آئی)پی پی پی چیئرمین بلاول بھٹو زرداری نے عوامی نیشنل پارٹی کے مرکزی رہنما ارباب غلام کاسی کے قتل کی مذمت کرتے ہوئے مطالبہ کیا ہے کہ واقعے کی فوری اعلیٰ سطحی تحقیقات کرائے جائے،ارباب غلام کاسی کے قتل میں ملوث ملزمان کو فوری گرفتار کیا جائے۔ اپنے بیان میں بلاول بھٹو زرداری نے کہاکہ بلوچستان میں جمہوریت پسند سیاسی کارکنان کی ٹارگٹ کلنگ اور دہشتگردی کے واقعات میں اضافہ باعثِ تشویش ہے۔ انہوںنے کہاکہ ارباب غلام کاسی کے لواحقین کے غم میں برابر کا شریک ہوں، اللہ تعالیٰ انہیں صبر جمیل عطا فرمائے۔پی پی پی چیئرمین نے ارباب غلام کاسی کے بہیمانہ قتل پر اسفند یار ولی خان اور ایمل ولی خان سمیت پوری عوامی نیشنل پارٹی سے تعزیت کا اظہار کیا ہے ۔چیئرمین بلاول بھٹو زرداری نے پیپلز یوتھ آرگنائیزیشن پی ایس 92 کے صدر توصیف مرزا سے تعزیت کا اظہار کیا ہے ۔پی پی پی چیئرمین نے توصیف مرزا سے انکے بہنوئی کے انتقال پر افسوس و ہمدردی کا اظہار کیا ہے ۔چیئرمین بلاول بھٹو زرداری کی مرحوم کے لیے جنت الفردوس اور سوگوار خاندان کے لیے صبر کی دعا کی۔
