اسلام آباد (این این آئی)ترجمان دفترِ خارجہ نے کہا ہے کہ نیویارک میں سائیڈ لائنز پر بھارتی قیادت سے نگراں وزیر اعظم انوار الحق کاکڑ کی ملاقات کا امکان نہیں۔ترجمان دفترِ خارجہ کے مطابق ترکیہ کے صدر رجب طیب اردوان کے بیان کو سراہتے ہیں۔انہوں نے کہا کہ ترکیہ نے ہمیشہ جموں و کشمیر کے بارے میں پاکستانی موقف کی حمایت کی ہے۔ترجمان دفتر خارجہ نے کہا کہ کلبھوشن کے اسٹیٹس میں کوئی تبدیلی نہیں ہوئی ہے۔ترجمان دفترِ خارجہ نے کہا کہ نگراں وزیرِ اعظم انوار الحق کاکڑ دورہ نیویارک پر ایک مختصر وفد ساتھ لے کر گئے ہیں۔
