اسلام آباد (این این آئی)سابق وزیر اور مسلم لیگ (ن)کے مرکزی رہنما احسن اقبال نے کہا ہے کہ نیب کے سرکاری گواہوں نے بتایا ہم شرمندہ ہیں ، نیب کے ہراساں کر نے پر دبائو میں آکر بیان دیا ،نیب کے زریعے سیاست دانوں کی بے عزتی کی جارہی ہے۔ پیر کومیڈیا سے گفتگو کرتے ہوئے انہوںنے کہاکہ ناروال سپورٹس سٹی منصوبے کی ایک پیشی تھی اور ایک سال کی طرح اج عدالت میں پیش ہوا،اس منصوبے میں کوئی مالی بے ضابطگی نہیں ہوئی ،ہم نے سپورٹس سٹی منصوبے سیملک میں کھیلوں کو فروغ دینا چاہا جو ہمارا جرم بن گیا۔ انہوںنے کہاکہ نیب کے زریعے سیاست دانوں کی بے عزتی کی جارہی ہے،نیب سرکاری افسران کو ڈرا کر بیان لیتا ہے۔ انہوںنے کہاکہ میرے خلاف نیب کے سرکاری گواہوں نے مجھے بتایا کہ ہم شرمندہ ہیں،ہمیں نیب سیل میں لے جاکر کہا گیا کہ یا تو 90دن جیل کاٹوں یا گواہ بنو،افسران کہتے ہیں نیب کے ہراساں کرنے پر دبائومیں آکر بیان دیا۔ انہوںنے کہاکہ 90دن کا ریمانڈ ایک ایساہتھکنڈا ہے جس سے سرکاری افسران کو ہراساں کیا جاتا ہے۔ انہوںنے کہاکہ عمران خان نے اپنے فائدے کیلئے نیب کو کھلی چھٹی دی ہوئی ہے،ایف آئی اے کو ہمارے دور میں کبھی اپوزیشن کے خلاف جھوٹے مقدمات بنانے کا ٹاسک نہیں دیا گیا
