اسلام آباد (این این آئی)وزیراعظم کے معاون خصوصی ڈاکٹر شہباز گِل نے کہاہے کہ احسن اقبال کرپشن چارجز کی جوابدہی کے بجائے گٹھ جوڑ کی بین بجارہے ہیں۔ڈاکٹر شہباز گِل نے مسلم لیگ نون کے رہنما احسن اقبال کے بیان پر ردعمل دیتے ہوئے کہا کہ اسپورٹس سٹی میں اختیارات کا ناجائز استعمال ان کے نزدیک جرم ہی نہیں۔شہباز گل نے کہا کہ ڈی جی اخترگنجیرا کو منصوبے کا غیرقانونی طور پراجیکٹ ڈائریکٹر لگایا گیا۔اْنہوں نے کہا کہ اسپورٹس سٹی منصوبے کی بھارتی سرحد سے 800 میٹر دور تعمیر سکیورٹی رسک ہے۔شہباز گِل نے کہا کہ احسن اقبال نے صوبائی حکومت کے منصوبے کو ہائی جیک کرکے اضافی فنڈ خرچ کیے۔انہوںنے کہاکہ موصوف نے تمام قوانین توڑے اور سیاسی مفادات کیلئے کروڑوں کا پراجیکٹ اربوں تک پہنچایا۔یاد رہے کہ احسن اقبال نے میڈیا سے گفتگو کرتے ہوئے کہا تھا کہ ناروال اسپورٹس سٹی منصوبے میں کوئی مالی بے ضابطگی نہیں ہوئی، اسپورٹس سٹی منصوبے سے ملک میں کھیلوں کو فروغ دینا چاہا بن گیا۔
