اسلام آباد(این این آئی)نیشنل ڈیزاسٹر مینجمنٹ اتھارٹی کے چیئرمین لیفٹیننٹ جنرل انعام حیدر ملک نے افغانستان کے زلزلہ متاثرین کے لئے فوری امداد کی فراہمی پر زور دیتے ہوئے تیز ترین فضائی اور زمینی راستوں کو استعمال کرتے ہوئے امدادی سامان بھیجنے کو یقینی بنانے کی ہدایت کی ہے ۔این ڈی ایم اے کی جانب سے جاری پریس ریلیز کے مطابق این ڈی ایم اے نے 7 اکتوبر بروز ہفتہ افغانستان کے شہر ہرات کے مضافاتی علاقوں میں 6.3 شدت کے زلزلے کے بعد صورتحال اور افغانستان کے لیے امدادی پیکج کا جائزہ لینے کے لیے ایک خصوصی اجلاس منعقد کیا۔چیئرمین این ڈی ایم اے، لیفٹیننٹ جنرل انعام حیدر ملک نے اجلاس کی صدارت کی جس میں افغانستان میں پاکستان کے سفیر عبید الرحمان نظامانی، وزارت خارجہ اور دیگر محکموں کے نمائندوں نے شرکت کی۔شرکا کو ہرات، افغانستان کی صورتحال اور مصیبت میں گھرے برادر ملک افغانستان کو فوری طور پر بھیجی جانے والی امداد کے بارے میں بتایا گیا۔ این ڈی ایم اے کی جانب سے جو امدادی سامان بھیجا جائے گا اس میں اشیائے خوردونوش، ادویات، خیمے اور کمبل شامل ہیں ان اشیا کے علاوہ سرچ اور ریسکیو ٹیم کو بھی تیار کیا گیا ہے جو کسی بھی وقت روانہ کی جاسکتی ہے۔چیئرمین این ڈی ایم اے نے افغانستان کے لیے فوری امداد کی فراہمی پر زور دیا اور یہ امداد تیز ترین فضائی اور زمینی راستوں کو استعمال کرتے ہوئے بھیجنے کو یقینی بنانے کی ہدایت کی۔ انہوں نے اس عمل میں شامل تمام سرکاری محکموں اور ایجنسیوں کو معاونت فراہم کرنے کی بھی درخواست کی۔
مقبول خبریں
مریم نواز نے پاکستان کے پہلے سرکاری آٹزم سکول کا سنگ بنیاد رکھ دیا
لاہور(این این آئی) وزیراعلیٰ پنجاب مریم نواز شریف نے پاکستان کے پہلے سرکاری آٹزم سکول کا سنگ بنیاد رکھ دیا۔وزیراعلیٰ مریم نواز شریف نے...
پاکستان ایٹمی قوت، اسرائیل ہم پر حملہ نہیں کر سکتا، وزیر دفاع
اسلام آباد(این این آئی) وزیردفاع خواجہ آصف نے کہا ہے کہ ہم ایٹمی قوت ہیں، اسرائیل پاکستان پر حملہ نہیں کر سکتا۔اپنے ایک بیان...
کیا پی ٹی آئی شنگھائی تعاون تنظیم کو بھی سبوتاژ کرنا چاہتی ہے؟ شیری...
اسلام آباد(این این آئی) پیپلز پارٹی کی نائب صدر اور سینیٹر شیری رحمان کا کہنا ہے کہ تحریک اںصاف کے اسلام آباد میں دھرنوں...
ڈبل ٹیکسیشن ٹریٹی نظرِ ثانی کیس کی سماعت کیلئے سپریم کورٹ کا 3 رکنی...
اسلام آباد(این این آئی)سپریم کورٹ آف پاکستان نے ڈبل ٹیکسیشن ٹریٹی نظرِ ثانی کیس کی سماعت کیلئے 3 رکنی بینچ تشکیل دے دیا۔چیف جسٹس...
اسلام آباد پر ہر چوتھے دن خیبرپختونخوا سے دھاوا بولنے کی اجازت نہیں دی...
اسلام آباد(این این آئی) وزیر داخلہ محسن نقوی نے کہا ہے کہ اندازہ ہے کہ سڑکوں کی بندش سے لوگوں کو پریشانی ہے ان...