اسلام آباد (این این آئی) نگران وفاقی وزیر اطلاعات و نشریات مرتضیٰ سولنگی نے ہزارہ کے نامور اداکار مرحوم ارشد عباسی کی وفات پر گہرے رنج و غم کا اظہار کیا ہے اور متاثرہ خاندان سے دلی اظہار تعزیت وہمدردی کااظہار اور ان کی کاملہ مغفرت وبخشش دعا کی ہے ۔ اپنے تعزیتی بیان میں انہوںنے کہا کہ ہماری وزارت ان کی فن و ادب کیلئے خدمات کے اعتراف میں جو کچھ ممکن ہوا کرے گی اس سلسلے میں متعلقہ عملے کو آگاہ کر دیا ،مرحوم ارشد عباسی ہمارا قیمتی اثاثہ تھے پاکستان ٹیلی ویژن میں ان کا نمایاں نام و مقام تھا ۔ انہوںنے کہاکہ موجودہ نگران حکومت ایسے تمام لوگوں کو انتہائی قدر کی نگاہ سے دیکھتی اور ان خدمات و صلاحیتوں کا برملا اظہار کرتی ہے۔
