اسلام آباد (این این آئی)اسپیکرقومی اسمبلی اسد قیصر سے سی پیک اتھارٹی کے چیئرمین لیفٹنٹ جنرل ریٹائرڈ عاصم سلیم باجوہ نے ملاقات کی جس میں سی پیک کے تحت خیبرپختونخواہ میں جاری ترقیاتی منصوبوں پر تفصیلی تبادلہ خیال کیا گیا ۔ منگل کو ملاقات سپیکر ہائوس اسلام آباد میں ہوئی جس میں سی پیک کے تحت خیبرپختونخواہ میں جاری ترقیاتی منصوبوں پر تفصیلی تبادلہ خیال کیا گیا ۔ اسپیکر قومی اسمبلی اسد قیصر نے کہاکہ سی پیک منصوبہ ملکی ترقی اور خوشحالی کا منصوبہ ہے، خیبرپختونخواہ میں سی پیک کے تحت جاری منصوبوں کی بروقت تعمیر وقت کی اہم ضرورت ہے۔ اسد قیصر نے کہاکہ سی پیک منصوبوں کی تکمیل سے وبے میں ترقی اور خوشحالی کے نئے دور کا آغاز ہو گا، رشکئی اکنامک زون سے علاقے میں عوام کو روزگار کے نئے مواقع پیدا ہوں گے۔ عاصم سلیم باجوہ نے کہاکہ رشکئی اکنامک زون کا افتتاح جلد کردیا جائے گا، ڈیرا اسماعیل خان موٹروے اور سی پیک کے دیگر منصوبوں پر جلد کام مکمل ہوجائے گا۔ اسد قیصر نے کہاکہ اکنامک زون اور سی پیک سے کاروباری مواقع فراہم ہوں گے، سی پیک سے تجارت کے ساتھ سفری سہولیات بھی میسر ائے گی
