لاہور( این این آئی)منتظمین کی جانب سے پنڈال میں لگائی گئی کرسیوں کے ساتھ قومی اورپارٹی پرچم باندھے گئے ،پندال کے اندر بھی مختلف مقامات پر شرکاء میں پرچم تقسیم کئے گئے ۔ تفصیلات کے مطابق منتظمین کی جانب سے مینار پاکستان کے پنڈال میں لگائی گئی ہزاروں کرسیوںکے ساتھ پاکستان کا قومی اور مسلم لیگ (ن) کے پرچم باندھے گئے ،کرسیوں پر بیٹھنے سے پہلے شرکاء پرچم کھول کر ہاتھوں میں تھامتے رہے ، منتظمین کی جانب سے پنڈال کے مختلف مقامات پر بھی پرچم تقسیم کرنے کے انتظامات کئے گئے تھے ۔ پنڈال میں شرکاء کے لہرانے کیلئے کشمیر اور فلسطین کے پرچم بھی تقسیم کئے گئے ۔
