سیالکوٹ (این این آئی)سابق وفاقی وزیر و مسلم لیگ (ن )کے رہنما خواجہ آصف نے کہا ہے کہ مسلم لیگ (ن) کے بانی، سابق وزیرِ اعظم میاں محمد نواز شریف کا بیانیہ مہنگائی، لوڈ شیڈنگ اور بدحالی پر قابو پانا ہے۔خواجہ آصف نے میڈیا سے گفتگو کے دوران کہا کہ لاہور جلسہ گاہ میں تو 2 روز سے ہی رونق نظر آ رہی ہے، میری 35 سال کے سیاسی کیریئر کا یہ بہت بڑا جلسہ ہے ۔خواجہ آصف نے کہا کہ ذوالفقار بھٹو کی پھانسی کے بعد بھی آج پیپلز پارٹی زندہ ہے، بھٹو کو پھانسی لگانے والوں کا نام لینے والا بھی کوئی نہیں۔خواجہ آصف نے کہا کہ نوازشریف کو جلا وطن کرنے والے مشرف کو لوگ بھول چکے ہیںانہوں نے کہا کہ ایک شخص نے ملکی سالمیت کو للکارا جبکہ نواز شریف نے ملک کو ایٹمی قوت بنایا تھا۔
