مکوآنہ (این این آئی)نامور اداکار فیصل قریشی 26اور اداکارہ ریما خان 27 اکتوبر کو اپنی سالگرہ منائیں گے۔۔ 26اکتوبر 1974ء کو لاہور میں پیدا ہونے والے فیصل قریشی کا شمار کراچی کی شوبز انڈسٹری کے مصروف ترین اداکاروں میں ہوتا ہے۔ انہوں نے اپنے فنی کیریئر کا آغاز پی ٹی وی لاہور سنٹر سے کیا اور بعد ازاں فلموں میں بھی اداکاری کی۔جس کے بعد وہ مستقل طور پر کراچی منتقل ہو گئے جہاں ان کو بے پناہ کامیاں ملیں۔ریما خان 27اکتوبر 1971 کو پیدا ہوئیں۔ریما نے ہدایتکار جاوید فاضل کی فلم ”بلندی” سے اپنے کرئیر کا آغاز کیا اور ان کے مد مقابل شان نے مرکزی کردار نبھایا۔مذکورہ فلم نے کامیابیوں کے ریکارڈ قائم کئے۔ ریما نے بطور ہیروئن متعدد فلموں میں اپنی صلاحیتوں کا لوہا منوایا۔ریما نے امریکہ میں مقیم ڈاکٹر طارق شاہاب سے شادی کرکے اپنا گھر بسالیا تھا۔دونوں اداکار اپنے اہل خانہ کے ہمراہ سالگرہ کا کیک کاٹیں گے۔
