اسلام آباد (این این آئی)سینٹ کو بتایا گیا ہے کہ سعودی عرب کی طرف سے عمرہ ویزا معطل کرنے کی خبروں میں کوئی صداقت نہیں،فارن مشنز کے سٹاف کو اب بروقت تنخواہوں کی ادائیگی کی جا رہی ہے،انسٹی ٹیوٹ آف سٹریٹجک سٹڈیز کا شمار دنیا کے بہترین تھنک ٹینکس میں ہوتا ہے، یہ وزارتوں کیلئے تحقیق میں معاونت کی ذمہ داری بھی ادا کر رہا ہے۔ منگل کو سینٹ میں وقفہ سوالات کے دوران وزیر خارجہ جلیل عباس جیلانی نے بتایا کہ 25 لاکھ پاکستانی سعودی عرب میں کہ ہم پذیر ہیں اور انہیں کسی نہ کسی قسم کا مسئلہ رہتا ہے، ہم نے ایک ہیلپ لائن قائم کی ہے جس میں ہزاروں کی تعداد میں ٹیلی فون کالز موصول ہوتی ہیں، اس کے علاوہ وائس میسج کا سسٹم بھی دیا گیا ہے اور شکایات نوٹ بھی کی جاتی ہیں، ہماری کوشش ہوتی ہے کہ ان شکایات کا ازالہ کیا جائے۔ انہوں نے کہا کہ آزاد ویزا کا معاملہ سعودی حکام کے ساتھ زیر غور رہا ہے سعودی قوانین کے تحت بعض اوقات آزاد ویزے والوں کو بھی گرفتار کر کے ڈی پورٹ کر دیا جاتا ہے، یہ معاملہ ہم نے سعودی حکام کے ساتھ اٹھایا ہے، سعودی وزیر خارجہ سے بھی اس پہ بات ہوئی ہے، انہوں نے وعدہ کیا ہے کہ اس مسئلے کا تدارک کیا جائے گا۔ وزیر خارجہ نے کہا کہ ہماری کوشش ہے کہ سعودی حکومت ان لوگوں کو ملازمت فراہم کرے جو ورک ویزے پر سعودی عرب گئے ہیں، گزشتہ سال سعودی حکومت نے پانچ لاکھ ورک ویزے جاری کیے جس طرح سعودی عرب میں ترقی ہو رہی ہے، وہاں پہ انہیں مزید افرادی قوت کی بھی ضرورت ہے۔ وزیر خارجہ نے کہا کہ ایف آئی اے کو حکومت کی طرف سے ہدایت کی گئی ہے کہ بھیک مانگنے کے لیے سعودی عرب میں جو گینگ جاتے ہیں انہیں گرفتار کیا جائے، ہماری کوشش ہے کہ اس کی حوصلہ شکنی کی جائے عمرہ ویزہ معطل کرنے کی خبروں میں کوئی صداقت نہیں ہے۔انہوںنے بتایاکہ انسٹی ٹیوٹ آف سٹریٹیجک سٹڈیز کا شمار دنیا کے بہترین تھنک ٹینکس میں ہوتا ہے، یہ انسٹی ٹیوٹ وزارتوں کے لئے تحقیق میں معاونت کی ذمہ داری بھی ادا کر رہا ہے۔ وزیر خارجہ جلیل عباس جیلانی نے کہا کہ انسٹیٹیوٹ آف سٹریٹجک سٹڈیز ہمارا تھنک ٹینک ہے، ڈائریکٹر جنرل اس کے سربراہ ہیں، اس کے مختلف سینٹرز بنائے گئے ہیں، اس کے سینیٹرز میں ایشیا پیسیفک اور چائنا سینٹرز ہیں، یہ نہ صرف سیمینارز منعقد کراتے ہیں جن کے ذریعے سکالرز اور بین الاقوامی ماہرین کا ایک دوسرے کے ساتھ رابطہ رہتا ہے، دنیا کے تھنک ٹینکس کے ساتھ بھی ان کے رابطے ہیں یہ ہماری وزارتوں کے لیے بھی ریسرچ میں بھی معاونت کرتے ہیں۔ انہوں نے کہا کہ دنیا میں ہزاروں ٹھیک ٹینکس ہیں جن میں پاکستان کے انسٹیٹیوٹ آف سٹریٹیجک سٹڈیز کا نمبر 80 واں ہے۔ وزیر خارجہ نے کہا کہ انسٹیٹیوٹ آف سٹریٹیجک سٹڈیز کو ہدایت ہے کہ وہ ارکان پارلیمنٹ کو بھی اپنے سیمینارز میں مدعو کریں باقی تھنک ٹیکس کو بھی اس حوالے سے ہدایت کی جائے گی۔نگران وزیر خارجہ جلیل عباس جیلانی نے بتایا کہ فارن مشنز کے سٹاف کو اب بروقت تنخواہوں کی ادائیگی کی جا رہی ہے۔ نگران وزیر خارجہ جلیل عباس جیلانی نے کہا کہ جمع کرائے گئے آڈٹ پیرا میں 285 ملین روپے میں 93 ملین وزارت خارجہ سے متعلق تھے جن کی ریکوری کی جا چکی ہے، آڈٹ اعتراضات کا مطلب کرپشن یا غبن نہیں ہوتا، اس میں ملازمین اور افسران کے علاج معالجہ کے حوالے سے کچھ کاغذات جمع نہیں کرائے گی۔ انہوں نے کہا کہ افسران سے ہونے والی ریکوری معمولی نوعیت کی ہوتی ہے، ان میں زیادہ تر کیسز افسران اور سٹاف سے متعلق ہوتے ہیں جن میں ٹیلی فون بل اور ٹی ڈی اے شامل ہوتے ہیں۔ وزیر خارجہ نے فارن مشنز کے سٹاف کی تنخواہیں تاخیر سے ملنے کے سوال کے جواب میں کہا کہ چند ماہ قبل زرمبادلہ میں کمی کی وجہ سے تنخواہوں کی ادائیگی میں تاخیر ہوئی تھی تاہم اب تنخواہیں بروقت ادا کی جا رہی ہیں۔
مقبول خبریں
عوام منتخب وزیر اعظم کو نکالنے کا نوٹس نہیں لیں گے تو پاکستان کے...
لاہور( این این آئی)پاکستان مسلم لیگ (ن) کے صدر و سابق وزیر اعظم محمد نواز شریف نے حکومتیں ختم کرنے والوں سے باز پرس...
پاکستان اور ڈنمارک کے درمیان میری ٹائم سیکٹر میں سرمایہ کاری اور تشکیل نو...
اسلام آباد (این این آئی)پاکستان اور ڈنمارک نے میری ٹائم سیکٹر میں سرمایہ کاری اور تشکیل نو کے حوالے سے مفاہمتی یادداشت پر دستخط...
وزیر اعظم شہباز شریف کی عبد المجید تبون کو الجزائر کا دوبارہ صدر منتخب...
اسلام آباد (این این آئی)وزیر اعظم محمد شہباز شریف نے عبد المجید تبون کو الجزائر کا دوبارہ صدر منتخب ہونے پر مبارکباد دی ہے۔منگل...
مہنگائی میں توقعات سے زیادہ کمی ہوئی، پائیدار معاشی استحکام کیلئے بنیادی اصلاحات ناگزیرہیں،...
اسلام آباد (این این آئی)وفاقی وزیر خزانہ و محصولات سینیٹر محمد اورنگزیب نے کہاہے کہ مہنگائی میں ہماری توقعات سے زیادہ کمی آئی ہے،...
مودی نے چینی دراندازی کو نہیں روکا لیکن وانگچک کے پرامن مارچ کو روک...
سری نگر(این این آئی)بھارت کے غیر قانونی زیر قبضہ جموںوکشمیر میں نیشنل کانفرنس کے نائب صدر عمر عبداللہ ، پیپلز ڈیموکریٹک پارٹی کی سربراہ...