اسلام آباد (این این آئی)پاکستان مسلم لیگ (ن) کے سینیٹر عرفان صدیقی نے اپنے گمشدہ بل کے بارے میں نگران وزیراعظم انوار الحق کاکڑ کے نام خط میں کہا ہے کہ وزیراعظم ہاؤس میں گم ہو جانے والے بل کا سراغ لگانے میں ان کی مدد کریں۔ سینیٹر عرفان صدیقی نے خط میں بتایا کہ انہوں نے جنوری 2022 میں ضابطہ فوجداری ایکٹ میں ترمیم کے لئے ایک بل پیش کیا تھا۔ متعلقہ قائمہ کمیٹی کی طرف سے متفقہ سفارش کے بعد یہ بل 23 مئی 2022 کو سینیٹ میں اتفاق رائے سے منظور کر لیا۔ جس کے بعد یہ بل قومی اسمبلی میں گیا جس نے اسے 8 جون 2022 کو اتفاق رائے سے منظور کر لیا۔ قومی اسمبلی سیکرٹیریٹ نے بل 20 جون 2022 کو مزید کاروائی کے لیے وزارت پارلیمانی امور کو بھیج دیا۔سینیٹر عرفان صدیقی نے وزیراعظم کے نام خط میں بتایا کہ پارلیمانی امور کی وزارت نے یہ بل 21 جون کو وزیراعظم آفس بھیج دیا تاکہ اسے صدارتی منظوری کے لئے ایوان صدر بھیج دیا جائے۔ سینیٹر صدیقی نے وزیراعظم سے کہا کہ 21 جون 2022 کو تقریبا 17 ماہ گزر گئے ہیں لیکن اس بل کا کوئی سراغ نہیں مل رہا۔ انہوں نے مزید کہا کہ ایوان صدر وضاحت کر چکا ہے کہ مذکورہ بل صدر کے پاس نہیں پہنچا۔سینیٹر صدیقی نے خط کے آخر میں کہا کہ وزارت پارلمانی امور اور سینٹ قائمہ کمیٹی برائے امور داخلہ کے رابطوں کے باوجود وزیراعظم آفس سے اس بل کے بارے میں کوئی جواب موصول نہیں ہو رہااس لئے آپ سے گزارش ہے کہ آپ اس بل کی تلاش میں میری مدد کریں کیونکہ یہ میرے بل کا نہیں پارلیمنٹ کے وقار اور بالادستی کا معاملہ ہے۔ یاد رہے کہ سینیٹر عرفان صدیقی نے پرائیویٹ ممبر کے طور پر ضابطہ فوجداری (ترمیمی بل) 2022 سینٹ میں پیش کیا تھا جس میں اسلام آباد کی ضلعی انتظامیہ کے عدالتی اختیارات ختم کرنے کے لئے قانون سازی کی گئی تھی لیکن پارلیمنٹ کے دونوں ایوانوں سے منظوری کے بعد یہ بل وزیراعظم ہاؤس میں گم ہو گیا جس کا آج تک سراغ نہیں مل رہا۔
مقبول خبریں
عوام منتخب وزیر اعظم کو نکالنے کا نوٹس نہیں لیں گے تو پاکستان کے...
لاہور( این این آئی)پاکستان مسلم لیگ (ن) کے صدر و سابق وزیر اعظم محمد نواز شریف نے حکومتیں ختم کرنے والوں سے باز پرس...
پاکستان اور ڈنمارک کے درمیان میری ٹائم سیکٹر میں سرمایہ کاری اور تشکیل نو...
اسلام آباد (این این آئی)پاکستان اور ڈنمارک نے میری ٹائم سیکٹر میں سرمایہ کاری اور تشکیل نو کے حوالے سے مفاہمتی یادداشت پر دستخط...
وزیر اعظم شہباز شریف کی عبد المجید تبون کو الجزائر کا دوبارہ صدر منتخب...
اسلام آباد (این این آئی)وزیر اعظم محمد شہباز شریف نے عبد المجید تبون کو الجزائر کا دوبارہ صدر منتخب ہونے پر مبارکباد دی ہے۔منگل...
مہنگائی میں توقعات سے زیادہ کمی ہوئی، پائیدار معاشی استحکام کیلئے بنیادی اصلاحات ناگزیرہیں،...
اسلام آباد (این این آئی)وفاقی وزیر خزانہ و محصولات سینیٹر محمد اورنگزیب نے کہاہے کہ مہنگائی میں ہماری توقعات سے زیادہ کمی آئی ہے،...
مودی نے چینی دراندازی کو نہیں روکا لیکن وانگچک کے پرامن مارچ کو روک...
سری نگر(این این آئی)بھارت کے غیر قانونی زیر قبضہ جموںوکشمیر میں نیشنل کانفرنس کے نائب صدر عمر عبداللہ ، پیپلز ڈیموکریٹک پارٹی کی سربراہ...