اسلام آباد (این این آئی)پاکستان تحریکِ انصاف کے ترجمان شعیب شاہین نے قومی اسمبلی کے حلقہ این اے 46 سے انتخابات میں حصہ لینے کا اعلان کر دیا۔تحریکِ انصاف کے ترجمان اور ممبر کمیٹی نے ایک انٹرویو میں انہوںنے کہا کہ اسلام آباد این اے 46 سے پی ٹی آئی کے ٹکٹ پر انتخابات میں حصہ لوں گا۔شعیب شاہین نے کہا کہ کور کمیٹی اور لیگل کمیٹی ٹکٹوں کے عمل کو دیکھ رہی ہے، سیاسی شخصیات کے علاوہ وکلاء کی بڑی تعداد کو ٹکٹس دیے جائیں گے۔انہوں نے کہا کہ ٹکٹ کے لیے ہمارا معیار پارٹی اور ملک سے وفادار شخص ہونا ہے، ٹکٹ ہولڈر کے انتخاب کے بعد الیکشن مہم کا مرحلہ آسان ہو جائے گا۔شعیب شاہین نے کہا کہ حامد خان کی سربراہی میں وکلاء میں ٹکٹوں کی تقسیم کا عمل مکمل ہو گا۔
