نئی دہلی (این این آئی)بھارتی وزیر اعظم نریندر مودی نے بھارت کی حزب اختلاف کی سب سے بڑی جماعت کانگریس کی سربراہ سونیا گاندھی کو سالگرہ کی مبارکباد دیتے ہوئے ان کی لمبی اور صحت مند زندگی کی دعا کی۔اتر پردیش کے ضلع رائے بریلی سے رکن پارلیمان سونیا گاندھی کی 74 ویں سالگرہ کے موقع ہر نریندر مودی نے مبارکباد کا ایک سوشل میڈیا پیغام جاری کیا۔مودی نے اپنے ٹوئٹ میں لکھا کہ سونیا گاندھی جی کو سالگرہ کی مبارکباد، مالک انہیں لمبی اور صحت مند زندگی بخشے۔مرکزی وزیر نتن گڈکری نے بھی ٹوئٹ کرتے ہوئے صدر کانگریس کو سالگرہ کی مبارکباد دی اور کہا کہ سونیا گاندھی جی اچھی صحت کے ساتھ لمبی عمر جیئیں۔
