لاہور(این این آئی)پاکستان مسلم لیگ (ن )کے چیف کوآرڈینیٹر اینڈ سنیئر نائب صدر انٹرنیشنل افیئرز بیرسٹر امجد ملک کی لاہور آمد پر اوورسیز پاکستانیوں نے پھولوں کے گلدستے پیش کرکے پرتپاک استقبال کیا اور مسلم لیگ ن بزنس کونسل کویت کے صدر شمشاد احمد خان تنولی نے لاہور کے مقامی ریسٹورنٹ میں پرتکلف ظہرانے کا اہتمام کیا ۔پاکستان مسلم لیگ ن کی سنیئر رہنما سابق ایم پی اے شمائلہ رانا نے خصوصی شرکت کیـتقریب کا آغاز تلاوت کلام پاک سے کیا گیا نعت رسول مقبول صلی اللہ علیہ وآلہ وسلم کے بعد ظہرانے کے میزبان شمشاد احمد خان تنولی نے مہمان خصوصی بیرسٹر امجد ملک کو خوش آمدید کہا اور پارٹی کے لیے انتھک محنت پر انکی خدمات کو سراہا،مہمان خصوصی بیرسٹر امجد ملک نے تمام اوورسیز عہدیداران و بالخصوص سنیئر رہنماؤں جن میں میاں محمد حنیف ،رانا ابرار اور ادریس مغل کی اوورسیز خدمات پر خراج عقیدت پیش کیا۔بیرسٹر امجد ملک نے بات چیت کرتے ہوئے کہا کہ 8 فروری کو شیر پر مہر لگا کر پورے ملک میں کامیاب کروا کر ملک کی ترقی و خوشحالی میں اپنا حصہ ڈالیں اور میاں محمد نواز شریف کے ہاتھ مضبوط کریں،انشاء اللہ اوورسیز پاکستانیوں کے حقوق انکی دہلیز پر دیئے جائیں گے۔مہمان خصوصی کے طور پر شرکت کرنے والی سابق ایم پی اے شمائلہ رانا نے بیرسٹر امجد ملک کو لاہور پہنچنے پر خوش آمدید کہا اور انکو مسلم لیگ ن کے عہدیداران اوورسیز پاکستانیوں کا لاہور میں خوبصورت گلدستہ سجانے پر مبارکباد پیش کیـظہرانے میں شرکت کرنے والے تمام عہدیداران نے چیف کوآرڈینیٹر اینڈ سنیئر نائب صدر انٹرنیشنل افیئرز بیرسٹر امجد ملک کی مسلم لیگ ن اوورسیز پاکستانیوں کی 36 ممالک میں تنظیم سازی کے عظیم کارنامے پر انکی شب و روز محنت اور اوورسیز پاکستانیوں کیساتھ محبت و پیار کے جذبے پر انکو خراج عقیدت پیش کیا۔ظہرانے میں مختلف ممالک کے عہدیداران نے بھر پور شرکت کی۔شرکت کرنیوالوں میں بزرگ سنیئر رہنماء مسلم لیگ (ن )رانا ابرار،ادریس مغل،حاجی میاں محمد حنیف کے علاؤہ مسلم لیگ (ن )کے لیگل صدر چوہدری عنصر محمود ایڈوکیٹ،،مسلم لیگ (ن )جاپان کے سرپرست اعلی رانا ابرار،،مسلم۔لیگ (ن )فرانس کے صدر میاں محمد حنیف ،بزنو کونسل برطانیہ کے صدر چوہدری خالد محمود ہنجرا ،مسلم لیگ ن تھائی لینڈ کے صدر محمد آصف، مسلم لیگ (ن )مسقط عمان کے سنیئر نائب صدر مقصود احمد بٹ ،مسلم لیگ (ن )سوئٹزر لینڈ کے سنیئر نائب صدر،مسلم لیگ (ن )اٹلی کے سنیئر رہنماء صدر مہر علی،مسلم لیگ ن سعودی عرب کے سنیئر نائب صدر رانا محمد طارق ،مسلم لیگ (ن )کینیڈا کے میڈیا ایڈوائزر اسد چوہدری،متحدہ عرب امارات العین کے چیئرمین ملک رشید اعوان ،مسلم لیگ (ن )سیالکوٹ کے نائب صدر عمیر احمد بٹ ایڈوکیٹ ،چوہدری ظہیر چڈھر،چوہدری وقار احمد شامل تھے۔
