لاہور( این این آئی)پاکستان مسلم لیگ (ن) کے قائد نواز شریف نے مخلوط حکومت بننے کے حوالے سے ہاتھ جوڑتے ہوئے کہا ہے کہ ملک کو درپیش مسائل حل کرنے کے لئے ایک جماعت کی اکثریتی حکومت ضروری ہے ،دوسروں پر دارو مدار نہیں ہونا چاہیے ،ملک ٹھیک چل رہا تھا ان لوگوں نے آکر قوم کے خواب بکھیرے اور انہیں خراب کیا ، جو کاری ضرب لگائی گئی ہے ہم اس کو ٹھیک کریں گے۔ ان خیالات کا اظہار انہوںنے حلقہ این اے 128میں و وٹ کاسٹ کرنے کے بعد میڈیا سے گفتگو کرتے ہوئے کیا ۔ اس موقع پر پارٹی کی سینئر نائب صدر مریم نواز ، این اے 128سے امیدوار عون چوہدری ، صوبائی امیدوار عمر سہیل ضیاء بٹ بھی موجود تھے ۔نواز شریف نے کہا کہ اس ملک میں بد تہذیبی ،بد تمیزی ، رعونت ،گالی گلوچ اورقوم کو تباہ و برباد کرنے کا جو کلچر ہے انتخابات کے بعد اس کاخاتمہ ہوگا،عوام کی زندگیوں میںآسانیاں آئیں گی ،مہنگائی کا خاتمہ ہوگا،پاکستان کے لوگ خوشحالی کی زندگی بسر کر سکیں گے،یہ خواب شرمندہ تعبیر ہونا چاہیے ، ان لوگوں نے آ کر قوم کے خواب بکھیرے انہیں خراب کیا جس سے معاشرے میں بیگاڑ پیدا ہوا ،معاشرے ٹھیک چل رہا تھا انہوں نے بڑی ضرب لگائی ہے ،ہم اس کو ٹھیک کریں گے۔نواز شریف نے مخلوط حکومت کے سوال کے جواب میں ہاتھ جوڑتے ہوئے کہا کہ خدا کے واسطے مخلوط حکومت کا نام نہ لو ،ملک کے جو مسائل ہیں اس میں ایک جماعت کو اکثریت ملنا ضروری ہے ،اگر مسائل کو حل کرنا ہے تو ایک جماعت کو پورا مینڈیٹ ملنا چاہیے ،دوسروں پر دارو مدار نہیں ہونا چاہیے ۔ انہوںنے مریم نواز کے وفاق یا صوبے میں جانے کے حوالے سے سوال کے جواب میں کہا کہ اس کا پارٹی فیصلہ کرے گی ،میں اکیلے فیصلے نہیں کرتا ۔انہو نے کہا کہ مریم نواز کی پارٹی کے لئے بڑی جدوجہد ہے ،مریم نواز برے وقت میں پارٹی کے لئے بہت کام کیا ہے ،اسی طرح شہباز شریف کی خدمات ہیں اور بہت سارے ساتھیوں کی خدمات ہیں ، انہوں نے جلیں کاٹی ہیں ، صرف ہم بڑوں نے جیلیں نہیں کاٹیں بچوں نے بھی جیلیں کاٹی ہیں، حمزہ شہباز اور مریم نواز نے جیلیں کاٹیں،ہم بڑی قربانیاں دے کر یہ دن ریکھ رہے ہیں یہ دن ایسے نہیں ہے ۔
مقبول خبریں
بحرین کے فرماں روا نے مشرقِ وسطی پر عالمی کانفرنس بلانے کا مطالبہ کردیا
منامہ(این این آئی)بحرین میں عرب لیگ کے 33 ویں سربراہ اجلاس کے اختتام پر جاری کردہ اعلامیے میں دو ریاستی حل تک فلسطین میں...
رفح میں کسی بھی آپریشن سے قبل شہریوں کا تحفظ ناگزیر ہے،امریکہ
واشنگٹن(این این آئی)امریکی محکمہ دفاع لائیڈ آسٹن نے اسرائیلی وزیر دفاع یوآو گیلنٹ سے فون پربات کرتے ہوئے زور دیا ہے کہ رفح میں...
عالمی برادری فلسطینی بھائیوں کے خلاف وحشیانہ جارحیت بند کرائے،شہزادہ سلمان
منامہ(این این آئی)سعودی عرب کے ولی عہد اور وزیر اعظم شہزادہ محمد بن سلمان نے کہا ہے کہ مملکت فلسطینی ریاست کے قیام اور...
فرانسیسی شہری 13 ممالک سے پیدل ہوتا ہوا عمرہ کرنے پہنچ گیا
پیرس (این این آئی)فرانس کا ایک شہری 13 ممالک سے گزرتا ہوا، طویل سفر پیدل طے کرکے عمرہ ادائیگی کے لیے سعودی عرب...
لائیو اسٹاک سے انسان کو برڈ فلو لگنے کا پہلا کیس سامنے آگیا
واشنگٹن(این این آئی)لائیو اسٹاک سے انسان کو برڈ فلو لگنے کا پہلا کیس امریکہ میں سامنے آیا ہے۔ مریض ایک ڈیری فارمر ہے جسے...