ظفروال(این این آئی)مسلم لیگ (ن)کے رہنما احسن اقبال نے کہا ہے کہ پیپلز پارٹی، ایم کیو ایم اور دیگر اتحادیوں کے ساتھ مل کر حکومت قائم کریں گے۔منگل کومیڈیا سے گفتگو کرتے ہوئے احسن اقبال نے کہاکہ ان شا اللہ تعالی 2024سے 2029کا سفر پاکستان میں ترقی کا سفر ہو گا۔احسن اقبال نے کہا کہ نوجوانوں کو بہترین ہنر دیں گے اور ان کے لیے روزگار کے نئے مواقع پیدا کریں گے۔انہوں نے کہاکہ مسلم لیگ ن کو پنجاب میں بھرپور مینڈیٹ حاصل ہوا ہے، اپنی حکومت قائم کریں گے۔
