مقبوضہ غزہ(این این آئی) مقامی اور اقوامِ متحدہ کے صحت کے حکام نے کہاہے کہ لڑائی، ایندھن کی قلت اور اسرائیلی چھاپوں کی وجہ سے غزہ کی پٹی کا دوسرا بڑا ہسپتال مکمل طور پر بند ہو گیا۔غیرملکی خبررساں ادارے کے مطابق فلسطینی محکمہ صحت کے حکام نے کہاکہ 28,985 افراد جاں بحق ہو چکے ہیں جن میں زیادہ تر عام شہری ہیں۔غزہ کے ہسپتال اسرائیل اور فلسطینی گروپ حماس کے درمیان چار ماہ سے جاری جنگ کا مرکزی نقطہ رہے ہیں۔غزہ کی وزارتِ صحت کے ترجمان اشرف القدرہ نے بتایا کہ جنوبی شہر خان یونس میں الناصر ہسپتال خدمات سے قاصر ہو گیا۔صحت کے حکام نے بتایا کہ ہسپتال نے جنگ کے زخموں اور غزہ میں صحت کے بگڑتے ہوئے بحران سے دوچار مریضوں کو بدستور پناہ دی تھی لیکن ان سب کے علاج کے لیے کوئی بجلی اور کافی عملہ نہیں تھا۔انہوں نے کہاکہ یہ مکمل طور پر خدمت سے قاصر ہو گیا ہے۔ صرف چار میڈیکل ٹیمیں اور 25 کا عملہ فی الحال سہولت کے اندر مریضوں کی دیکھ بھال کر رہی ہیں۔القدرہ نے کہا کہ ہسپتال کو پانی کی سپلائی رک گئی کیونکہ جنریٹر تین دن سے بند تھے، سیوریج کا پانی ایمرجنسی کمروں میں بھر گیا اور بقیہ عملے کے پاس انتہائی نگہداشت والے مریضوں کے علاج کا کوئی طریقہ نہیں تھا۔انہوں نے کہا کہ آکسیجن کی فراہمی کی کمی کم از کم سات مریضوں کی موت کا سبب بنی۔ یہ بھی بجلی نہ ہونے کا نتیجہ تھا۔
مقبول خبریں
میں کبھی گورنر راج نہیں لگائوں گا، فیصل کریم کنڈی
ڈیرہ اسماعیل خان (این این آئی)گورنر خیبر پختونخوا فیصل کریم کنڈی نے کہا ہے کہ میں کبھی گورنر راج نہیں لگائوں گا، میں...
پی ٹی آئی کے کسی کے ساتھ کوئی مذاکرات نہیں ہو رہے، اسد قیصر
اسلام آباد(این این آئی)پاکستان تحریک انصاف کے رہنما اسد قیصر نے کہا ہے کہ پی ٹی آئی کے کسی کے ساتھ کوئی مذاکرات نہیں...
صدر آصف علی زرداری نے پیرقومی اسمبلی کا اجلاس طلب کرلیا
اسلام آباد (این این آئی)صدر مملکت اسلامی جمہوریہ پاکستان آصف علی زرداری نے پیر قومی اسمبلی کا اجلاس طلب کرلیا۔صدر نے قومی اسمبلی کا...
پاکستان اور سعودی عرب کے تعلقات کی دنیا میں مثال نہیں ملتی، وزیراعظم
اسلام آباد (این این آئی)وزیراعظم شہباز شریف نے کہا ہے کہ پاکستان اورسعودی عرب کے تعلقات کی دنیا میں مثال نہیں ملتی، پاکستان کا...
کسی کو دنیا کی بڑی ایٹمی طاقت کو دھمکانے کی اجازت نہیں دینگے،روسی صدر
ماسکو(این این آئی)روس کے صدر پیوٹن کی جانب سے مغربی ممالک کو جنگ عظیم کی یاد دلاتے ہوئے خبردار کر دیا گیا۔غیرملکی میڈیا رپورٹس...