سانگلہ ہل ( این این آئی) مسلم لیگ (ن) کے نائب صدر محمد برجیس طاہر نے کہا ہے کہ تاریخ میں پہلی خاتون وزیراعلی پنجاب بننے پر پاکستان مسلم لیگ (ن) ،مریم نوازشریف مبارکباد کی مستحق ہیں۔انہوں نے اپنے بیان میں کہا کہ محترمہ مریم نوازشریف مسلم لیگ کا قیمتی اثاثہ ہیں،پارٹی کے مشکل وقت میں جب بڑے بڑے مفادپرست پارٹی کاساتھ دینے سے کنی کترا نے لگے توقائدمحترم نوازشریف کے وژن کے عین مطابق محترمہ مریم نواز نے پارٹی کے کارکنوں کوسہارادیا، ہمیشہ پارٹی کے ساتھ رہیں ، مشکل ہو یا آسانی بالکل پارٹی کا ساتھ وفاداری سے نبھایا۔ برجیس طاہر نے کہا کہ میں دل کی اتھاہ گہرائیوں سے ان کا احترام کرتا ہوں ،آج انہیں وزیراعلی کے منصب پر منتخب ہوتے دیکھ کر اور بھی زیادہ خوش ہوں ۔انہوں نے کہاکہ میاں نوازشریف کے علاوہ اور کوئی قیادت موجود ہی نہیں جوملک کوبحرانوں سے نکال سکے۔
