واشنگٹن(این این آئی)ایک شخص نے واشنگٹن ڈی سی میں اسرائیلی سفارت خانے کے سامنے خود کو آگ لگا لی جس کے بعد اسے تشویشناک حالت میں ہسپتال منتقل کیا گیا ہے۔غیرملکی خبررساں ادارے کے مطابق حکام کا کہنا تھا کہ فائر فائٹرز نے دوپہر ایک بجے پہنچ کر آگ پر قابو پالیا، جب کہ آگ لگنے سے اس کا جسم بری طرح جھلس گیا تھا۔اسرائیلی سفارت خانے کی جانب سے ایک بیان میں کہا گیا کہ اس شخص نے واشنگٹن میں اسرائیلی سفارت خانے کے باہر خود کو آگ لگا لی۔اسے ایمبولینس کے ذریعے ہسپتال لے جایا گیا۔اس نے مزید کہا کہ اس شخص کی شناخت نہیں ہوئی۔قابل ذکر ہے کہ سفارت خانے نے اعلان کیا کہ حادثے میں سفارت خانے کا کوئی بھی ملازم زخمی نہیں ہوا۔ شبہ ہے کہ یہ فلسطین کے لیے احتجاج تھا۔غزہ پراسرائیلی جنگ کے آغاز کے بعد سے امریکا میں تشدد کے کئی واقعات سامنے آ چکے ہیں۔
