مریم نواز کوپہلی خاتون وزیر اعلی بننے پر خراج تحسین پیش کرنیکی قرارداد اسمبلی سیکرٹریٹ میں جمع

0
91

لاہور( این این آئی)مریم نواز کوپنجاب کی پہلی خاتون وزیر اعلی بننے پر خراج تحسین پیش کرنے کی قرارداد پنجاب اسمبلی سیکرٹریٹ میں جمع کرا دی گئی ۔ قرارداد پاکستان مسلم لیگ (ن) کی رکن پنجاب اسمبلی کنول لیاقت کی جانب سے جمع کرائی گئی جس کے متن میں کہا گیا ہے کہ ایوان پنجاب اسمبلی پنجاب کی بہادر بیٹی مریم نواز کو پہلی خاتون وزیر اعلی کا حلف لینے پر خراج تحسین پیش کرتا ہے،یہ ایوان اس حقیقت کو تسلیم کرتا ہے کہ محترمہ کی سیاسی جدوجہد اور جمہوریت کے لئے دی گئی قربانیاں بے مثال ہیں۔مریم نواز کی قائدانہ صلاحیت کو سامنے رکھتے ہوئے قوی امید ہے کہ پنجاب کی عوام کے لئے نئے اور روشن دور کا آغاز ہو رہا ہے اور عام آدمی کی معیار زندگی میں بہتری آئے گی۔امید ہے کہ مریم نواز کا پہلی خاتون وزیر اعلی پنجاب منتخب ہونے سے پنجاب کی خواتین سیاسی،سماجی،معاشی و قانونی طور پر مضبوط و خودمختار بنیں گی۔