اسلام آباد(این این آئی)ایم کیو ایم پاکستان کے رہنما خالد مقبول صدیقی نے کہا ہے کہ عہدوں کا فیصلہ ہوگیا ہم نے کوئی عہدہ نہیں مانگا۔قومی اسمبلی کے اجلاس سے قبل میڈیا سے گفتگو میں ایم کیو ایم پاکستان کے رہنما خالد مقبول صدیقی نے کہاکہ ایم کیوایم گورنر شپ اور وزارتوں کیلئے نہیں آئی ہے، عوام تک جمہوریت کے ثمرات پہنچانے آئے ہیں۔انہوں نے کہاکہ عہدوں کا فیصلہ ہوگیا ہے ایم کیو ایم نے کوئی عہدہ نہیں مانگا،ایم کیو ایم حقیقی مینڈیٹ کیساتھ واپس آئی ہے،ہم اس سے زیادہ سیٹوں کی توقع کررہے تھے،متعلقہ فورمز پر دھاندلی پر احتجاج کریں گے۔رہنما ایم کیوایم نے کہا کہ75سال قبل جو منظر نامہ تھا وہی آج ہے، ایسی جمہوریت جس کے ثمرات عوام تک نہ پہنچیں بے معنی ہے، پاکستان کے 23کروڑ عوام کو حقوق دینا ہوں گے۔
