اسلام آبا د(این این آئی)پاکستان کے نئے صدر مملکت کے انتخاب کے لیے پولنگ (کل)ہفتہ کو منعقد ہو گی،پارلیمنٹ ہائوس اور چاروں صوبائی اسمبلیوں میں قائم پولنگ سٹیشنوں پر منتخب اراکین صبح 10 بجے سے سہہ پہر 4 بجے تک اپنا حق رائے دہی استعمال کر سکیں گے۔ صدارتی انتخاب میں حکمران اتحاد کے امیدوار سابق صدر آصف علی زرداری اور سنی اتحاد کونسل و دیگر اپوزیشن کے نامزد امیدوار محمود خان اچکزئی کے درمیان مقابلہ ہے،سینیٹ اور قومی اسمبلی کے اراکین پارلیمنٹ ہائوس میں اسمبلی ہال میں اپنا ووٹ ڈالیں گے،صدر کا انتخاب خفیہ رائے دہی کی بنیاد پر ہو گا جہاں پر سینیٹ ، قومی اسمبلی اور بلوچستان اسمبلی کے ہر رکن کا ایک ووٹ شمار ہو گا جبکہ پنجاب ،خیبر پختونخوا اور سندھ اسمبلی میں اراکین کی تعداد کو بلوچستان اسمبلی کے برابر ووٹوں میں تقسیم کر کے تناسب نکالا جائے گا۔ صدر مملکت کے انتخاب کے لیے الیکشن کمیشن کی جانب سے شیڈول یکم مارچ کو جار ی کیا گیا تھا جس کے مطابق کاغذات نامزدگی 2 مارچ ان کی جانچ پڑتال 4 مارچ ، کاغذات نامزدگی کی واپسی 5مارچ جبکہ ریٹائرمنٹ کی تاریخ 6 مارچ مقرر کی گئی تھی۔ الیکشن کمیشن نے صدارتی انتخاب میں حصہ لینے والے امیدواروں سے کہا ہے کہ وہ پولنگ کا عمل شروع ہونے سے قبل متعلقہ ایوان یا اسمبلی کے ممبران میں سے ایک ایک پولنگ ایجنٹ نامزد کر سکتے ہیں جو پولنگ اور گنتی کے عمل کا مشاہدہ کرے گا۔
مقبول خبریں
عمران خان نے اسٹیبلشمنٹ سے بات کا کسی کو کوئی ٹاسک نہیں دیا’ شیخ...
اسلام آباد(این این آئی)پی ٹی آئی کے مرکزی سیکریٹری اطلاعات شیخ وقاص اکرم نے کہا ہے کہ بانی پی ٹی آئی عمران خان نے...
پاکستان اسٹاک ایکسچینج میں ملا جلا رجحان، 38 پوائنٹس کا اضافہ
کراچی (این این آئی)پاکستان اسٹاک ایکسچینج میں عید کی چھٹیوں کے بعد جمعرات کوتعطیلات کے بعد پہلے کاروباری دن ملا جلا رجحان دکھائی دے...
حماد اظہر نے پی ٹی آئی میں تمام عہدوں سے استعفیٰ دے دیا
لاہور(این این آئی)پاکستان تحریک انصاف پنجاب کے سیکریٹری جنرل اور قائم مقام صدر حماد اظہر نے پارٹی عہدے سے استعفیٰ دے دیا۔ حماد...
آئی ایم ایف ٹیم بجٹ کی تیاری کیلئے آج سے پاکستان کا دورہ کریگی
اسلام آباد(این این آئی) آئی ایم ایف کی ٹیم آئندہ مالی سال کے بجٹ کی تیاری کے سلسلے میں کل 4 اپریل سے پاکستان...
ممتاز صحافی، میڈیا ایڈوائزر اور سوشل ورکر سید مدثر خوشنود کی صحافتی اور سماجی...
دبئی(این این آئی) متحدہ عرب امارات کے معروف تجارتی ادارے این ایف ایل گروپ کی جانب سے ممتاز صحافی، میڈیا ایڈوائزر اور سوشل ورکر...