لندن(این این آئی)برطانوی وزیر خارجہ نے نصیر اسپتال میں طبی عملے سے اسرائیلی فوجیوں کے ناروا سلوک پر اظہار تشویش کیا ہے۔ برطانوی نشریاتی ادارے نے غزہ میں نصیر اسپتال کے عملے پر اسرائیلی فوج کے تشدد کی رپورٹ دی تھی۔ برطانوی فارن سیکرٹری نے اسرائیلی فوج کے سلوک پر جواب طلب کرلیا۔ لارڈ کیمرون نے ہائوس آف لارڈز میں خطاب میں کہا کہ معاملے کی تہہ تک پہنچنے کی ضرورت ہے۔ ادھر اسرائیل نے جواب دیتے ہوئے کہا کہ گرفتار افراد کے ساتھ کسی بھی قسم کی بدسلوکی سختی سے منع ہے۔
