آئندہ مالی سال توانائی شعبے کی سبسڈی میں 375ارب روپے کٹوتی کا تخمینہ ہے،ذرائع وزارت خزانہ

0
63

اسلام آباد(این این آئی)حکومت آئی ایم ایف سے نئے قرض کیلئے توانائی شعبے کیلئے سبسڈی کو کم کرنے پر غور کررہی ہے، رواں سال کی نسبت آئندہ مالی سال توانائی شعبے کی سبسڈی میں 375 ارب روپے کٹوتی کا تخمینہ ہے۔ذرائع وزارت خزانہ کے مطابق آئندہ مالی سال کیلئے توانائی شعبے کو چھ سو ارب روپے سے زائد سبسڈی ملنے کا تخمینہ ہے،نئے قرض کیلئے آئی ایم ایف شرط پر توانائی شعبے کیلئے سبسڈی کو کم کیا جا رہا ہے۔ذرائع کے مطابق آئندہ مالی سال کے بجٹ میں آئی پی پیز کو ادائیگیوں کیلئے سبسڈی فراہم کی جائے گی،ڈسکوز اور کے الیکٹرک کیلئے ٹیرف ڈیفرینشل اور ادائیگیوں کیلئے سبسڈی دی جائے گی۔وزارت خزانہ کے ذرائع کے مطابق آزاد جموں و کشمیر کیلئے ٹیرف سبسڈی، پاور ہولڈنگ پرائیویٹ لمیٹڈ کو ادائیگیوں کیلئے سبسڈی ملے گی،بلوچستان میں ایگری ٹیوب ویلز، فاٹا میں بجلی پر سبسڈی کیلئے رقم مختص ہوگی۔ذرائع کے مطابق کے الیکٹرک کے انڈسٹریل سپورٹ پیکیج کی مد میں بھی وفاق کی جانب سے سبسڈی ملنے کا امکان ہے۔