اسلام آباد (این این آئی)چیئرمین وزیر اعظم یوتھ پروگرام رانا مشہود احمد خان نے کہا ہے کہ آج پوری قوم پاکستان دشمنوں اور ان کے ایجنٹوں کے خلاف متحد ہے اور ایک زبان ہوکر پکار رہی ہے کہ شہدا کی یادگاروں کی بے حرمتی اور ان کے وقار کو مجروح کرنے والوں کو نہ معاف کرے گی نہ ہی بھولے گی۔جمعرات کو وزیراعظم یوتھ پروگرام سے جاری کردہ بیان کے مطابق وزیراعظم یوتھ پروگرام کے چئیرمن رانا مشہود احمد خان نے کہا کہ 9 مئی یوم سیاہ کا دِن ہی نہیں قومی ندامت اور دشمن کی خوشی کا یوم بھی ہے۔ پاکستان کے دشمنوں سے لڑنے والوں سے لڑ کر فسادی جتھے نے پاکستان کے دشمنوں کے لشکر کاحصہ ہونے کا عملی ثبوت دیا۔ انہوں نے کہا کہ آج پوری قوم پاکستان دشمنوں اور ان کے ایجنٹوں کے خلاف متحد ہے اور ایک زبان ہوکر پکار رہی ہے کہ شہدا کی یادگاروں کی بے حرمتی اور ان کے وقار کو مجروح کرنے والوں کو نہ معاف کرے گی نہ ہی بھولے گی اور ایسے امر کو برداشت نہیں کیا جائے گا۔
