بیجنگ (این این آئی)نائب وزیراعظم اور وزیر خارجہ سینیٹر محمد اسحاق ڈار نے جمعرات کو بیجنگ میں عوامی جمہوریہ چین کے وزیر خزانہ لان فوآن سے ملاقات کی۔ دفتر خارجہ کے مطابق نائب وزیراعظم محمد اسحاق ڈار اور چین کے وزیر خزانہ نے پاک چین مالیاتی اور بینکنگ کے شعبوں میں تعاون کو سراہتے ہوئے اسے دونوں ممالک کے درمیان آل ویدر اسٹریٹجک کوآپریٹو پارٹنرشپ کا مظہر قرار دیا۔ انہوں نے خاص طور پر پاکستان اور چین کے درمیان بڑھتے ہوئے بزنس ٹو بزنس روابط کے پیش نظر مالی تعاون کو مزید بڑھانے پر تبادلہ خیال کیا۔ چینی وزیر خزانہ نے پاکستان کی معیشت کی مثبت رفتار کا ذکر کرتے ہوئے پاکستان کے اقتصادی ایجنڈے کو سراہا اور مالی استحکام کو مضبوط بنانے کی کوششوں میں چین کی پاکستان کی حمایت جاری رکھنے کا اعادہ کیا۔ انہوں نے پاکستان اور چین کے درمیان مالیاتی اور بینکنگ کے شعبوں میں تعاون کو مزید گہرا کرنے میں نائب وزیراعظم کے تعاون کو بھی سراہا۔ ملاقات کے دوران نائب وزیر اعظم اور وزیر خارجہ سینیٹر محمد اسحاق ڈار نے براہ راست غیر ملکی سرمایہ کاری کو راغب کرنے کے لیے گورننس، ریونیو اور کاروبار کرنے میں آسانی پر حکومت پاکستان کے اصلاحاتی ایجنڈے کا ذکر کیا۔ انہوں نے چین سے سرمایہ کاری کو پاکستان کی ترجیح کے طور پر بھی اجاگر کیا ۔ انہوں نے کہا کہ اس مقصد کے لیے جن ترجیحی شعبوں کی نشاندہی کی گئی ان میں زراعت، آئی ٹی، کانوں اور معدنیات اور قابل تجدید توانائی کے شعبے شامل ہیں۔
مقبول خبریں
عالیہ بھٹ اور رنبیر کے مجموعی اثاثوں کی مالیت 885 کروڑ بھارتی روپوں کے...
ممبئی (این این آئی)بالی وڈ کے خوبصورت اور کامیاب کپل عالیہ بھٹ اور رنبیر کپور کی پیشہ ورانہ محاذوں پر کامیابی تو کسی...
فواد خان بالی وڈ میں واپسی کیلئے تیار، بھارتی اداکارہ کا نام سامنے آگیا
کراچی (این این آئی)معروف پاکستانی اداکار فواد خان ایک بار پھر بالی وڈ میں واپسی کے لیے تیار ہیں۔بھارتی میڈیا...
شہبازشریف کی بنگلہ دیش کے ڈاکٹر یونس سے آج ملاقات طے ہوگئی
نیویارک (این این آئی)وزیراعظم شہباز شریف ان دنوں امریکا روانگی سے قبل لندن میں 2 روزہ دورے پر موجود ہیں جہاں پاکستان اور بنگلہ...
تاریخ گواہ ہے پاکستان ،چین نے ہمیشہ ایک دوسرے پربھروسہ کیا’، چینی صدر
اسلام آباد(این این آئی) چین کے صدر شی جن پنگ نے وزیراعظم شہبازشریف کی 73 ویں سالگرہ پر انہیں مبارکباد کا خط بھیجا ہے۔...
قاتلوں کو عبرت کا نشان بنانے والے قاتلوں کے محافظ بن گئے، فضل الرحمان
راولپنڈی(این این آئی)جمعیت علماء اسلم کے سربراہ مولانا فضل الرحمان نے جے یو آئی کارکن مولانا ثاقب فیاض کے قتل پر گہرے رنج...