اسلام آباد (این این آئی)وفاقی وزیر اطلاعات سینیٹر شبلی فراز ے کہاہے کہ تحریک انصاف کی حکومت آزادی اظہار کے بنیادی، آئینی اور جمہوری حق پر کامل یقین رکھتی ہے،ہم میڈیا کے ساتھ کھڑے ہیں اور آزادی صحافت پر کوئی آنچ نہیں آنے دیں گے۔ ٹوئٹر پر اپنے بیان میں وزیر اطلاعات نے کہاکہ مریم نوازکی میڈیا پر الزام تراشیاں اور دھمکیاں ان کے اظہار رائے کی آزادی کے دعوؤں کے جھوٹ اور بہروپ ہونے کا ثبوت ہے۔ وفاقی وزیر اطلاعات سینیٹر شبلی فراز نے کہاکہ ان کو وہی میڈیااچھا لگتا ہے جو ان کے گیت گائے’انکے دور حکومت میں قوم ایک اخبار کا چند صفوں پر آنا ابھی تک نہیں بھولی۔ وفاقی وزیر نے کہاکہ پاکستان تحریک انصاف کی حکومت آزادی اظہار کے بنیادی، آئینی اور جمہوری حق پر کامل یقین رکھتی ہے۔ وفاقی وزیر اطلاعات نے کہاکہ ہم میڈیا کے ساتھ کھڑے ہیں اور آزادی صحافت پر کوئی آنچ نہیں آنے دیں گے۔
