لاہور( این این آئی )ملک بھر میں کل یوم سقوط ڈھاکہ منایا جائے گا ۔16دسمبر1971 ملکی تاریخ کا سیاہ ترین دن ہے ،اس دن ہمارا مشرقی بازو ٹوٹ کر ہم سے الگ ہوگیا اور بنگلا دیش کے نام سے ایک الگ ملک کی حیثیت سے معرض وجود میں آیا۔ اس عظیم سانحہ کے حوالے سے مختلف تقریبات اور سیمینارز کا اہتمام کیا جائے گا جس میں مقررین سقوط ڈھاکہ کے عوامل پر روشنی ڈالیں گے ۔پرنٹ میڈیا میں سقوط ڈھاکہ کے حوالے سے خصوصی مضامین شائع ہوں گے جبکہ الیکٹرانک میڈیا اور ریڈیو پربھی پروگرام نشر کیے جائینگے۔سانحہ مشرقی پاکستان 49برس قبل 16دسمبر 1971کو پیش آیا۔
