اسلام آباد (این این آئی)پاک بحریہ کی جانب سے بلوچستان کے علاقے اورماڑہ میں سماعتی مسائل کے حوالے سے خصوصی میڈیکل کیمپ کا انعقاد کیا گیا ۔ ترجمان پاک بحریہ کے مطابق میڈیکل کیمپ مختلف فلاحی اداروں کے تعاون سے منعقد کیا گیا،میڈیکل کیمپ میں مقامی اور ملحقہ علاقوں سے آنے والے سینکڑوں مریضوں کو جدید آلات اور مشینری کے ذریعے مفت معائنے کی سہولیات فراہم کی گئیں۔ ترجمان پاک بحریہ کے مطابق میڈیکل کیمپ میں مریضوں کو مفت سماعتی آلات بھی فراہم کیے گئے۔ترجمان پاک بحریہ کے مطابق میڈیکل کیمپ کے انعقاد کا مقصد مقامی افرادکو سماعت کے مسائل, وجوہات, احتیاطی تدابیر اور بچاؤ کے متعلق آگہی دینا تھا،میڈیکل کیمپ میں دیگر مہلک امراض خصوصا کرونا وائرس سے بچاؤ کے متعلق بھی آگہی دی گئی ۔
