اسلام آباد (این این آئی)حکومت نے وفاقی بجٹ 25-2024 میں آئی ٹی بر آمدات بڑھانے کے لیے اقدامات شامل کیے ہیں۔حکومتی ذرائع نے بتایا کہ آئندہ سال آئی ٹی شعبے کی برآمدات کو 5 ارب ڈالرز تک بڑھانیکا پلان ہے، آئی ٹی کے شعبے میں نیا کاروبار شروع کرنے والوں کے لییخصوصی مراعات کی تجویز ہے۔ذرائع نے بتایا کہ آئی ٹی کے ذریعے کاروبار اور تجارت کے فروغ پر خصوصی رعایت کی تجویز ہے اور نوجوانوں کو اپنا کاروبار شروع کرنے کی حوصلہ افزائی کے لیے اقدامات شامل ہیں۔ذرائع کے مطابق نوجوانوں کو ہنرمند بنانے کے پروگرام میں توسیع کے اقدامات شامل کیے گئے ہیں، جبکہ نوجوانوں کی آئی ٹی کے شعبے میں پیشہ ورانہ تربیت کے لیے فنڈز رکھنے کی تجویز ہے۔اسی طرح وزیراعظم اقدامات کے تحت آئی ٹی اسٹارٹ اپس کے لیے فنڈز رکھنے کے ساتھ ٹیکنالوجی اور آئی ٹی پارک کے لیے فنڈ مختص کیے جائیں گے، بتایاگیا کہ بجٹ میں ڈیجٹیل اکانومی منصوبے کے لیے فنڈز رکھنے کی تجویز ہے۔
