اسلام آباد (این این آئی)وفاقی وزارت تعلیم کے ترقیاتی بجٹ میں 204 فیصد کے بڑے اضافے کی تجویز ہے۔میڈیا رپورٹ کے مطابق آئندہ مالی سال وزرات تعلیم کے لیے 25 ارب 75 کروڑ روپے کا ترقیاتی بجٹ مختص کرنے کی تجویز ہے۔ذرائع کے مطابق قومی اقتصادی کونسل (این ای سی)نے وزارت تعلیم کے ترقیاتی بجٹ کی منظوری دے دی ہے۔آزاد کشمیر اور گلگت بلتستان میں دانش اسکول کے لیے 5 ارب روپے کا بجٹ مختص کرنے کی تجویز ہے۔نئے بجٹ میں قومی انڈوومنٹ فنڈ کے لیے 2 ارب روپے مختص کرنے کا فیصلہ کیا گیا ہے۔رواں مالی سال وزارت تعلیم کا ترقیاتی بجٹ 8 ارب 50 کروڑ روپے مختص تھا۔
