مکہ مکرمہ(این این آئی)وفاقی وزیرِ مذہبی امور چوہدری سالک حسین نے عازمینِ حج کی رہائش گاہوں اور ہسپتال کا دورہ کیا ہے۔اس موقع پر وفاقی وزیرِ مذہبی امور چوہدری سالک حسین نے سرکاری عازمینِ حج سے ملاقات کر کے ان کی خیریت دریافت کی۔عازمینِ حج نے انہیں بتایا کہ اس سال حج کے انتظامات اور عملے کی کارکردگی مثالی ہے۔وفاقی وزیرِ مذہبی امور چوہدری سالک حسین نے بتایا کہ پاکستانی عازمین کو جمعرات اور جمعے کی درمیانی شب منی لے جایا جائے گا۔انہوں نے بتایا کہ پاکستانی معاونینِ حج و پیرا میڈیکل عملہ مشاعر میں بھی عازمینِ حج کے ساتھ رہے گا، عازمینِ حج کو قربانی سے متعلق اطلاع پاک حج ایپ کے ذریعے ملے گی۔وفاقی وزیرِ مذہبی امور چوہدری سالک حسین نے بتایا کہ وزارت میں قربانی کی رقم جمع کرانے والوں کی قربانی 10 ذی الحجہ ظہر تا عصر مکمل کی جائے گی۔انہوں نے درخواست کی ہے کہ عازمینِ حج امتِ مسلمہ، اپنے وطن پاکستان اور وزارت کو اپنی خصوصی دعاوں میں یاد رکھیں۔علاوہ ازیں وفاقی وزیرِ مذہبی امور چوہدری سالک حسین کی زیرِ صدارت حج گروپ آرگنائزرز آف پاکستان کے ساتھ مشاورتی اجلاس ہوا۔حافظ طاہر اشرفی کی سربراہی میں پاکستانی نجی حج کمپنیوں کے نمائندے اجلاس میں شریک ہوئے۔س موقع پر وفاقی وزیرِ مذہبی امور چوہدری سالک حسین نے ہدایت کی کہ سرکاری و پرائیویٹ عازمینِ حج کی مشاعر میں سہولتوں کو یقینی بنایا جائے۔انہوں نے کہا کہ نجی عازمینِ حج سے دھوکا کرنے والی کمپنیوں سے سختی سے نمٹا جائے گا۔سیکرٹری مذہبی امور ذوالفقار حیدر نے اس موقع پر حکام کو ہدایت کی کہ نجی حج ٹور آپریٹر طوافہ کمپنیوں کے ساتھ جامع معاہدے کریں، نجی اسکیم کے حجاج کے حقوق کے تحفظ کے لیے ایکشن کمیٹی بنائی جائے۔
مقبول خبریں
وزیرداخلہ محسن نقوی کافرینٹر کانسٹیبلری کے شب قدر قلعہ کا دورہ ،قیام...
اسلام آباد (این این آئی)وفاقی وزیرداخلہ محسن نقوی نے کہا ہے کہ ایف سی کے افسروں اور جوانوں نے دہشتگردی کے خلاف جنگ...
وزیراعظم محمد شہباز شریف عوام کو ریلیف دینے کے لئے ہر ممکن کوشش کررہے...
اسلام آباد (این این آئی)چیئرمین پرائم منسٹر یوتھ پروگرام رانا مشہود احمد خان نے کہا ہے کہ وزیراعظم محمد شہباز شریف عوام کو...
عالمی بینک نے پاکستان کیلئے 15 کروڑ ڈالرز کی منظوری دیدی
اسلام آباد(این این آئی)عالمی بینک نے پاکستان کیلئے 15کروڑ ڈالرز فنڈز کی منظوری دے دی، رقم پنجاب میں لڑکوں اور لڑکیوں کی پرائمری...
سندھ کا ترقیاتی بجٹ باقی صوبوں کے مقابلے میں زیادہ ہے، وزیراعلیٰ سندھ
کراچی (این این آئی)وزیراعلیٰ سندھ مراد علی شاہ نے کہا ہے کہ رواں مالی سال کا بجٹ گزشتہ بجٹ سے 34 فیصد زیادہ...
پنجاب کی جیلوں میں قیدیوں کو عید کے پہلے 2 زوز اہلخانہ سے ملاقات...
لاہور( این این آئی) پنجاب کی جیلوں میں بند قیدیوں کو عیدالاضحی کے پہلے اور دوسرے دن اہلخانہ سے ملاقات کی اجازت دے دی...