آکلینڈ(این این آئی)پاکستان کرکٹ ٹیم نے ایڈن پارک میں بھرپور ٹریننگ سیشن کیا۔آکلینڈ پہنچنے کے بعد پاکستان ٹی ٹونٹی اسکواڈ کا یہ پہلا ٹریننگ سیشن تھا ۔ٹی ٹونٹی اسکواڈ کے کھلاڑیوں نے نیٹ پر بالنگ اور بیٹنگ کی پریکٹس کی۔فزیکل ٹریننگ کے ساتھ ساتھ کھلاڑیوں نے فیلڈنگ ڈرلز بھی کیں۔کپتان شاداب خان نے نیٹ پریکٹس میں حصہ لیا ۔شاداب خان نے فزیکل ٹریننگ اور فیلڈنگ پریکٹس کی، نیٹ پر بالنگ اور بیٹنگ پریکٹس بھی کی ۔پاکستان ٹیم ٹی ٹونٹی سیریز کا پہلا میچ 18 دسمبر کو نیوزی لینڈ کے خلاف کھیلے گی۔آلرانڈر عماد وسیم نے کہاہے کہ ہم نے گزشتہ ایک ہفتے سے ٹی ٹونٹی سیریز کے لئے بڑی محنت کی ہے اورٹی ٹونٹی سیریز کے لئے بہت پرجوش ہیں۔انہوں نے کہا کہ لڑکے اب بہت بہتر محسوس کررہے ہیں، تماشائیوں کی موجودگی میں لطف اندوز ہوں گے، اسٹیڈیم میں کراڈ ہو تو اس کا اپنا ہی مزہ ہے۔ عماد وسیم نے کہا کہ مجھے امید ہے کہ ہمیں یہاں اسپورٹ ملے گی، یہ سیریز نئے کھلاڑیوں کے لئے اپنی صلاحیتوں کے اظہار کا بہترین موقع ہے۔
